香港樓市打油詩

‧本文由 小凝 分享 ‧ 2007-02-09 ‧ 顯示 4,203 次 ‧ 轉寄 3 次 ‧ 短評 2 篇 ‧
政府篇
唉~~
香港近年既經濟 好似高速sir 滑梯
八萬五千係禍胎 沙士直插到谷底
加埋政制有流弊 畸形選舉圍委喂
幾百選委圈子細 地產富商權勢大
特首連任睇形勢 出手明益地產界
房屋政策已經廢 兼夾錯左唔會改
養埋成班擦鞋仔 淨係識得lai鞋底
超仔彤叔砌兩砌 就有好野推出台
地積比率加D黎 兼送露台俾你賣
官商勾結過晒界 仲話佢地依足例
佢地想點容易睇 擔定凳仔霸定位
退休之後冇世藝 過去佢度做馬仔
舒適生活好富泰 打工好過做皇帝
上樑不正下樑歪 麻鷹唔管管雞仔
代理監管好失敗 無權無勢好廢材
有乜投訴打上台 官腔回應似佛偈
樣樣都話冇關係 查來查去搞好耐
證實A準有違規 頂籠都係停佢牌


發展商篇
唉~~
地產商家真巴閉 香港樓市佢玩晒
房局高官任指揮 利益輸送似速遞
屋苑個名亂咁改 曼克頓樓在九西
一號地段叫銀蟹 馬尺X門都用埋
求求其其叫設計 根本就係冇智慧
一字排開擋風勢 廚廁可以冇窗開
十呎樓底有乜為 個廳窄到擺摺檯
超大會所金玉砌 泳池深度得一米
建築面積大一大 實用面積任佢計
可用面積己經低 仲要扣埋大露台
開盤賣樓真詭偽 等到半夜先至開
想要價單冇得派 得個模型可以睇
真假消息來做勢 天價成交做話題
搵個鬼婆扮高貴 白白晒埋廣告費
呎價貴到黐晒肺 質素差到冇眼睇
搞到有樓冇人買 年尾股東要交代
去貨就要諗諗計 改名重推送價惠
加埋劈價先夠快 劈完一劑又一劑
首批友好全瓜柴 後上fan屎又釘蓋
樓市低處未算低 可笑樓花變花蟹


地產代理篇
唉~~
港產代理奇呢怪 一千幾百買個牌
個樣睇落好詼諧 食煙爛口巴很閉
外表其實冇所謂 知書識禮最可貴
點知趨炎兼附勢 西裝底下心腸壞
逢親開盤走晒黎 街頭街尾佢霸晒
人手夠多夠氣勢 打交搶客嘈嘈閉
明明講左話唔買 跟人跟足九條街
佢話辛苦有車載 又話現場有野派
總之就係昆人買 唔買俾佢鬧仆街
卒之有客走埋來 開口埋口叫老細
查實個人好虛偽 心諗冇錢咪黎睇
終於搵到個傻仔 即刻仆埋圍住砌
花言巧語全出齊 扣住證件局你買
幾百萬樓話唔貴 指住幅圖猛話抵
催住快簽買賣契 按揭雜費遲D計
縮水漏水冇問題 就算有都佢包晒
一話減佣佢唔制 仲話呢D係定例
而家地產真厲害 你話邊個夠佢威


炒家篇
唉~~
老襯亭下多傻仔 人買樓時佢又買
單位圖紙未識睇 按揭雜費未識計
見到人龍就去排 大打出手要爭位
炒樓炒到著晒迷 個市升時好世界
摸貨轉手好英偉 千萬身家冇定洗
幾百萬樓唔駛睇 大手圈貨先夠威
樓市上落難預計 遇著個巿好低迷
成交數量好呆滯 新盤二手成街蟹
壯士斷臂要夠快 蝕讓加佣都冇計
不過有人睇唔開 錢銀始終放唔低
蝕本清貨佢唔制 攬住蟹貨唔肯賣
勉強上會周身債 撻定又係一身蟻
當年前仆兼後繼 今時一舖清晒袋
投資總會有成敗 蝕錢都要夠光彩
輸打贏要似契弟 當初冇人監你買
買樓唔係買棵菜 你情我願冇問題
贏錢唔見有回饋 輸錢響度嘈嘈閉
又話示威又上街 一有機會就姓賴


用家篇
唉~~
香港買樓真感慨 樓價貴到冇得解
畢業出來一路捱 節衣縮食唔大洗
三年五載日月逝 儲得個錢袋落袋
諗落年紀唔係細 娶個老婆生個仔
結婚點都要駛費 奶粉尿片都幾貴
個仔慢慢會長大 幫人供樓唔實際
公屋超額冇得排 平價居屋又停賣
一家三口一齊捱 買層私樓住過世
九成按揭又唔抵 三成首期好閉翳
雙親最令我慚愧 借出首期好慷慨
跟住地產周圍睇 九龍太貴搬新界
終於搵到心頭愛 五百零呎好夠使
按揭上會好襟計 優惠利率唔優惠
返工遠D冇所謂 車錢貴D都冇計
為左個家可以捱 早D出門夜D歸
有時諗落幾悲哀 做人究竟有乜為
供樓搞到一身債 生活壓力日夜繼
辛辛苦苦似奴隸 一生勞碌為樓契
好在家人來鼓勵 幸福知足最可貴
0.00 0 votes
1
3
5
7
9
請按數字進行評分

Plurk 噗浪請以1~9的評分代表由負面到正面的感受,統計數據將決定資訊的參考價值。謝謝!

寄件者: 為避免成為廣告信跳板,本功能限會員使用!加入會員
收件者:
留言:
 
forward collect
collect title
collect button
  •  香港
  •  打油詩

keword icon
關鍵字建檔說明
  1. 關鍵字是您認定內容相關性或方便記憶、搜尋的用詞。
  2. 以名詞為主,避免用詞習慣的差異。
  3. 設定欄位上方為目前的關鍵字詞及得票數。
  4. 被勾選的關鍵字代表您所投的認同票。
  5. 您可勾選這些選項,或由設定欄中新增更多關鍵字。
  6. 新增關鍵字時,請以空白或斷行來區隔關鍵字。
為了更容易取得相關資訊,請大家協助建檔,謝謝!
顯示/隱藏 列印 列印提示
  1. 您可以點擊右方的「顯示/隱藏」鏈結來隱藏不相關的內容。
  2. 內容確認後,點擊右方的「列印」鏈結或瀏覽器之列印鍵即可。
  3. 完成後,顯示被隱藏的內容即可繼續瀏覽。
◎附加檔案 中的附件有三種不同的呈現方式,均限會員使用
  1. 圖檔類型 以縮圖方式呈現,點縮圖後會浮現原尺寸圖檔!
  2. 檔案類型 以檔名方式呈現,建議先另存新檔,再開啟瀏覽!
  3. FLV類型 支援線上瀏覽模式,請按檔名前方的圓型箭頭;按檔名則是另存新檔。
  4. 檔案開不了怎麼辦?請參考「Office 檔案開不了怎麼辦?
  5. 郵件容量超出 50MB 時,為了節省網站營運成本,僅提供下列會員使用:
    • 贊助會員 mvp ─── 贊助網站營運基金之會員(一天一元)詳細內容
    • 分享會員 vip ─── 長期且持續分享,半年內超過 100 篇以上者 詳細內容
m 小祐  Gatekeeper icon  於 2007-02-09 09:15:16 說
想出來的野蠻厲害的說~
m point  Key icon Gatekeeper icon  於 2007-02-10 09:07:57 說
要快樂生活著
手動
登入

 
 
快速
登入
使用 Facebook 帳號登入
查詢
密碼
 

  • 2013 網站改版公告
  •  
  • 歡迎TC加入!
  • 歡迎太陽餅加入!
  • 歡迎Mzzzz加入!
  • 歡迎anthony899841加入!
  • 歡迎jbtu加入!
  • 歡迎安安加入!
  • 歡迎柯國斌加入!
  • 歡迎Walis Nokan加入!
  • 歡迎Rachel Green加入!
  • 歡迎James Doe加入!
  • 歡迎James Vergara加入!
  • 歡迎Sofia Vergara加入!
  • 歡迎Cindy Cheng加入!
  • 歡迎鄭母菌加入!
  • 歡迎Jin Chen加入!
  • 歡迎Wei Zihan加入!
  • 歡迎林依依加入!
  • 歡迎East Gold加入!
  • 歡迎Sam Hsu加入!

    ▲回到頁首▲